-Naseng kou pedih mei tentu gaya,
Debei sai-sai bak meluak rasa,
Bak kou susui mei kawer kata,
Bak kou pinak sempit ji dada,
Ulou kou pedes mei kaber nyawa,
Usok kou alah makbut ji gaya,
Jantung berdegup pedes ko nasa,
Bak akou susui enda bei kata,
Ajau bersakai pinak sengsara,
Ajau kou japah naseng binasa,
Tandah kou tituh kou debei bicara,
Mei sigah-sigah akou sengsara,
Mujun tenutup debei suara,
Mei ubak tang sai pun, pedih binasa,
Gan ji inahkou, gan ji amah,
Mejuk dan jauk keman ji matah,
Mun kenah sebak jawai kou lilah,
Mei perlu bak kou susui kou bak tebah,
Mei kaber raei, kabur ji matah,
Naseng kou bejik tenanggung japah,
Mei kepang bak kou susui tang inah amah.
Dah ngak jeminggu akou melilah,
Jiwa kou gundah mei tao renah,
Malem mei tudui siang melilah,
Enda bak pengen akou bak madak renah,
Pedik kou, pedes kou, bejik tan ulou,
Alah buyak kenacau lou amou,
Ipok an mak mengacau akou,
Masi tan pedes naseng wang ulou.
Perukok akou mei tao jerak,
Pedes tan usok caan bak diak?
Mun mei perukok naseng mei diak,
Ulou kou alah mengapang petak.
