Selau

selau
-tang ibak laengit
teleo makau
betis makat
kemalui timur

-bei pangai
keman a awan
kesingor tan
biah akeo

-jawai kaao
bei jumik senyeum
kalikah
jawai keo bei nou-nou?

-kaeo mei sigah
tapi matah nyileo
bei sinaer
kebuyak selau?
a kali.

-ke likou telou makau
senibal betis
agemkeo
geneggem agemmeo

-sadikkah bak akeo
menapser
kealus agemmeo
seninta kaeleo?

-diakkah bak akeo
mengarep
wang atikou
kelumit nasang
senayang sinta?

-kenah ageikah akeo
bearep
tang kaao
segala nasangmeo?



kemejuk
-aruh ih debei nou-nou
debei nawan debei tenunjuk
kelilahan kenesesat
debei agei jawai kelou

-tenudip amau likou
ibak laengit akeo pelou
terkedang dagen duah
pangai tan kesingor

-susui tang akeo sinta
kelou bei nasang sinta
anou dengah? kemudip ageika nasang ih?

-susui tang akeo kasih
kelou agei luk kenasih
anou dengah? kemudip ageika nasang ih?

-kaao murau
kenahka akeo pelibeo?
kemejuk angai
kelukka akeo pelibeo?



A Tileng (Nurafila)

-Biru a laengit
Biru a laut
Putik a awan

-Mejet a pangai
Mejet a silau
Mentari kunin

-Pautlah angaei
Akeo katileng
Ibakkeo pedan
Laut Kina Selatan.

-Manis a jawai
Manis a matah
Mereo Keling.

-Dadit a biah
Dadit a bbog
Jawak angaei.

-Pautlah angaei
Akeo kajapah
Wagen atikeo
Nurafila.





Kemejuk Keman Batang Rajang
-Bei neo wang atikeo?
Akeo pilak.
Enda bei neo.

-Alah bei barang
Nan keo beraie.

-Kemejuk keman batang Rajang,
debei tenawan bak menukut nasangkeo,
debei arah bak tenuju,
Kenahkah akeo terus kepamat?

-Mapun ujung dunia.

-Lau silih sunih berganti silih sunih,
Matari nait, alu labuk udik,
PAPAK!
Matai kelilahan nah.